Halyq sanaǵy: Almatyda mamandandyrylǵan ortalyqtar ashylady
Onlaın format qala turǵyndary úshin www.sanaq.gov.kzmamandandyrylǵan veb-saıtynda qoljetimdi (sanaq veb-saıtyna egov.kz saıtynan jáne memlekettik organdardyń saıttarynan, Aitu qosymshasy arqyly kirýge bolady), onda Sanaqman vırtýaldy kómekshi respondentterge onlaında ózińizge jáne sizdiń otbasy múshelerińizge saýalnamany toltyrý boıynsha túsinikteme bere alady.
Almatylyqtardy halyq sanaǵyna belsendi qatysýǵa shaqyrady. Óıtkeni bul derekter jergilikti atqarýshy organdarǵa birqatar áleýmettik máselelerdi sheshýde, onyń ishinde kóshi-qon máselelerin sheshýde mańyzdy kómek bolady.
Alynǵan málimetter jańa mektepter, balabaqshalar, emhanalar men basqa da áleýmettik nysandardyń qurylysyn qarjylandyrý týraly sheshim qabyldaǵan kezde eskeriletin bolady.
Sanaq kezeńinde almatylyqtar Ulttyq sanaqtyń saýalnama suraqtaryna yńǵaıly onlaın formatta nemese úı jaılardy aralaý kezinde dástúrli formatynda jaýap bere alady.
Derbes sanaý saıty respondenttiń ornalasqan jerine qaramastan 2021 jyldyń 1 qyrkúıeginen 15 qazanyna deıin turǵyndarǵa 24 saǵat boıy qoljetimdi bolady.Turǵyndardyń úılerin aralap úzdiksiz saýal salý dástúrli formaty aǵymdaǵy jyldyń 1 qazanynan 30 qazanyna deıin elektrondy planshetter arqyly suhbat alýshylarmen saýal alý arqyly ótedi.
Onlaın sanaqtan ótý múmkindigi 45 kúnmen shektelgendikten, qala ákimi Baqytjan Saǵyntaev qalanyń ár aýdanynyń iri saýda jáne oıyn -saýyq ortalyqtarynda, saýda úılerinde, HQKO-da, poshta bólimshelerinde, mektepterde jáne taǵy basqa jerlerde múmkindigi joq turǵyndar úshin mamandandyrylǵan sanaq ortalyqtaryn ashýǵa tapsyrma berdi.
Sanaq pýnktteri onlaın saýaldan ótýge yńǵaıly bolý úshin arnaıy uıymdastyrylǵan, munda saýalnamany toltyrý protsesin jeńildetýmen qatar, respondentter óz densaýlyǵynyń qaýipsizdigi úshin de alańdamaıdy, óıtkeni suhbat alýshylar vaktsınatsııalanady jáne qorǵanys quraldarymen qamtamasyz etiledi.
Sanaqtan ótkennen keıin respondentke kody bar SMS habarlama keledi, ol mindetti túrde saqtalýy qajet jáne qazan aıynda dástúrli úıler men páterlerde sizge keletin sanaqtyń suhbatalýshylaryna usynylady.
Onlaın sanaq kezeńinde uıaly nómirlerden 8-8000800878 jáne tirkelgen telefondar úshin 1446 biryńǵaı baılanys ortalyǵynda barlyq sanaq máseleleri boıynsha tegin keńes berý qarastyrylǵan.
