Halyq Prezıdenttiń ıdeıalaryna ilese bilýi tıis - «Bolashaq» stıpendıaty
ASTANA. QazAqparat - 11 naýryz kúni «Nur Otan» partııasynyń XVI sezinde Prezıdent saılaýyna Nursultan Nazarbaevtyń kandıdatýrasy usynylyp, delegattar tarapynan biraýyzdan qoldaý tapty. Astana qalasynyń turǵyny, «Bolashaq» stıpendııasynyń ıegeri, ınjener Erkebulan Isabekov bul elimizdiń bolashaǵy úshin mańyzdy sheshim boldy dep esepteıdi.
«Elbasynyń memlekettik qyzmetti, bılikti reformalaý týraly tapsyrmalary barsha Qazaqstan qoǵamynyń jańarýyna jol ashady. Sebebi, memlekettik isterge, bıliktiń turpatyna qarap, búkil el boı túzeıdi. Jalpy, halyq Qazaqstan Prezıdenti usynǵan barlyq bastamalar men ıdeıalarǵa ıkemdele bilýi shart. Sebebi, onyń ushqyr da jarqyn kózqarastaryna ilesý qıyn, ol bir emes, birneshe býynnyń atqaratyn júgimen para-par », - deıdi ol «QazAqparat» tilshisine bergen suhbatynda.
Onyń aıtýynsha, Elbasynyń «Bolashaq» baǵdarlamasynyń ózi onyń kóregen basshy ekendigin kórsetedi. Sol baǵdarlama aıasynda oqyp kelgen E. Isabekov búginde áskerı qarý jaraq jasaıtyn «Qazaqstan Áselsan ınjınırıng» zaýytynda bas ınjener bolyp qyzmet isteıdi.
«Toqsanynshy jyldary, eldiń qıyn-qystaý zamanynda «Bolashaq» baǵdarlamasyn ashý - úlken saıası erlik boldy. Elbasy sol kezde-aq shetelde bilim alǵan jastardyń erteń el ekonomıkasynyń damýyna qyrýar úles qosatynyn bildi. Talapty jastarǵa shetelde oqýǵa múmkindik bergen qaı eldiń basshysy bar taǵy?! Kóregendik emeı nemene?! Men Anglııada ınjenerlik oqý bitirip keldim. Bes tilde erkin sóıleımin. Qazir elde buryn-sońdy bolmaǵan óndiriste jumys istep, buryn-sońdy shyǵarmaǵan ónimdi jasap shyǵarýǵa úlesimdi qosyp jatyrmyn. Biz jasaǵan otandyq taýarlar shetelge eksporttalyp otyr», - dedi ol.
