Halyq pen polıtseıler sanynyń sáıkestigi boıynsha Frantsııadan keıin turmyz – Kalaıchıdı
NUR-SULTAN. QazAqparat – Qazaqstan polıtsııa qyzmetkerleriniń halyq sanymen sáıkestigi boıynsha Frantsııa jáne Chehııanyń ortasynda tur. Bul týraly QR Іshki ister mınıstriniń orynbasary Alekseı Kalaıchıdı Ortalyq kommýnıkatsııalar qyzmetinde ótken dóńgelek ústelde aıtty, dep habarlaıdy QazAqparat tilshisi.
«Salada reforma bastalǵaly shtat sanyn 11 paıyzǵa qysqarttyq. Shamamen 1100 laýazym joıyldy. Reformaǵa deıin bir basshyǵa 3 qyzmetker kelse, qazir bir basshyǵa 5 adam baǵynady. Kúzet qyzmetin básekeli ortaǵa berip jatyrmyz. Qatarymyzda 13 myń mamandandyrylǵan kúzet qyzmetiniń ókilderi bar. Bul jumys áli jalǵasady. Eger buryn 100 myń turǵynǵa 470 polıtsııa qyzmetkeri keletin bolsa, ońtaılandyrý sharalarynan keıin bul san 393-ke qysqardy. Bul kórsetkish boıynsha qazir biz Frantsııa men Chehııanyń arasynda turmyz», - dedi mınıstrdiń orynbasary.
