Halyq pen memlekettik organdar arasyndaǵy keri baılanys artyp keledi – saıasattanýshy

NUR-SULTAN. QazAqparat – Sońǵy ýaqytta elimizde halyq pen memlekettik organdar arasyndaǵy ózara baılanys artyp keledi. Osyǵan qatysty bılik pen halyq arasynda qarym-qatynas ornatýda áleýmettik jelilerdiń mańyzdylyǵy týraly saıası keńesshi Dına Aıkenova óz pikirimen bólisti, dep habarlaıdy QazAqparat tilshisi.

«2020 jyldy qorytyndylaı kele erekshe aıtyp ótetin jaıt, halyq pen memlekettik organdar arasyndaǵy ózara keri baılanystyń artýy. Ony Twitter-degi túrli baǵyttaǵy habarlamalar arqyly baıqaýǵa bolady. Bul degenimiz - halyqpen keri baılanystyń arqasynda memlekettik organdardyń qoljetimdi bolýy», - dedi D. Aıkenova.

Onyń aıtýynsha, búginde memlekettik organdar áleýmettik jelilerdi belsendi qoldanyp keledi.

«Taǵy bir aıtyp ótetin jaıt, memlekettik organdardyń áleýmettik jelilerge kóshýi. Bul úrdis alda áli keńinen etek jaıatyn bolady. Mysaly, AQSh prezıdenti Djo Baıden arqyly áleýmettik jeli mańyzdylyǵyn ańǵara alamyz. ıAǵnı, áleýmettik jeli arqyly qoljetimdiliktiń negizinde saıası partııalardyń nemese memlekettik apparattyń qyzmetine degen halyq senimi arta túsedi», - deıdi ol.

Sondaı-aq, saıası keńesshi qorshaǵan ortany qorǵaýǵa jastardyń erekshe nazar aýdaratynyn aıtyp ótti.

«Sońǵy ýaqytta el arasynda qorshaǵan ortaǵa jáne janýarlarǵa degen adamı qatynas máselesi jıi talqylanyp keledi. Bul ne úshin mańyzdy? Álemde jastar saıası oqıǵalarǵa asa belsendi aralaspaıdy degen qaǵıda qalyptassa, esesine ekologııa máselesine kelgende olar óte belsendi. Sonymen qatar, qazirgi kezde azamattardyń otbasylyq qundylyqtarǵa mán berýi artyp keledi», - dedi jas saıasattanýshy.

Aıta ketsek, búgin elordadaǵy Eýrazııalyq ıntegratsııa ınstıtýtynda «Turaqsyz álemdegi turaqty memleket»: Q.K. Toqaevtyń 2020 jylǵy basty jeti isi» atty baǵdarlamany talqylaýǵa arnalǵan is-shara ótti. Oǵan saıasattanýshylar, qoǵam qaıratkerleri men ǵalymdar qatysty.