Halyq partııasynyń músheleri elordada aktsııa ótkizdi
QHP atynan depýtattyqqa kandıdattar men qozǵalys músheleri partııa logotıpiniń fonynda úgit júrgizdi. Logotıp astananyń ortalyǵynda, «Báıterektiń» janynda ornalasqan eń úlken LED-ekranda ornalastyryldy. Osyǵan oraı partııa músheleri úgit-nasıhat júrgizip, astanalyqtarǵa partııanyń baǵdarlamasy jazylǵan paraqshalar men kitapshalar taratty.
Aktsııa uıymdastyrýshylary Aıaz Ata men Aqshaqardyń kostıýmin kıip, elorda turǵyndary men qonaqtaryn jańa jylmen quttyqtady.
«Memleket laıyqty qarttyqqa da kepil bolýǵa tıis. Búgingi tańda qazaqstandyqtardyń jınaq deńgeıi tómen. Yntymaqty júıege qaıta oralyp, zeınet jasyn tómendetý týraly máseleni qaıta qaraý qajet. QHP básekege qabiletsiz joǵary oqý oryndarynyń sanyn qysqartý arqyly oqytý sapasyn arttyrýdy josparlap otyr», – dedi aktsııa barysynda QR Parlamenti Májilisiniń depýtattyǵyna kandıdat Bolat Sársenbaev.
