Halyq ózgeris kútedi – Meıram Qajyken

ASTANA. QazAqparat – Prezıdenttikke úmitker Meıram Qajyken eldegi kezekten tys prezıdent saılaýy týraly pikir bildirdi, dep habarlaıdy QazAqparat tilshisi.

Astanadaǵy №66 mektep-lıtseıde ornalasqan №113 saılaý ýchaskesinde daýys bergen kandıdat Meıram Qajyken saılaýǵa jaqsy kóńil kúımen kelgenin aıtty.

«Azamattar ózgeris bolǵanyn qalaıdy. Áleýmettik ózgerister, ekonomıkalyq jáne saıası ózgerister de aıqyn bolýy qajet. Búgin naǵyz shynaıy reformalar úshin daýys berdim», - dep jaýap berdi Meıram Qajyken jýrnalısterge.

Meıram Qajykenniń kandıdatýrasyn «Amanat» Qazaqstan kásipodaqtar dostastyǵy» birlestigi usynǵan bolatyn.

Úmitker bastaǵan top Qostanaı, Abaı, Shyǵys Qazaqstan, Aqtóbe, Batys Qazaqstan, Mańǵystaý, Qaraǵandy, Almaty, Jambyl, Túrkistan oblystarynda, sondaı-aq Shymkentte saılaýshylarmen kezdesýler ótkizgen bolatyn.

Búgin ol saǵat 11.04-te óz tańdaýyn jasady.