Halyq nesıeni teńgemen kóptep ala bastady - mınıstr Súleımenov

ASTANA. QazAqparat - Úkimettiń búgingi otyrysynda QR Ulttyq ekonomıka mınıstri Tımýr Súleımenov alǵashqy úsh aıdaǵy elimizdiń áleýmettik-ekonomıkalyq damý qorytyndysyn jarııalady, dep xabarlaıdy QazAqparat tilshisi.

Onyń aıtýynsha, ótken aıda ekinshi deńgeıdegi bankterdiń otandyq ekonomıkany nesıelendirý kólemi 1,4 paıyzǵa tómendep, 12,3 trln. teńgeni qurady.

"Oǵan valıýtalyq kredıtterdiń azaıýy áser etti. Alaıda teńgemen berilgen nesıeler týra 5 paıyzǵa ósti. Osy oraıda shaǵyn kásipkerler alǵan kredıtterdiń 28,7 paıyzǵa ulǵaıǵanyn atap ótken jón", - deıdi Súleımenov.

Budan bólek, ótken jyldyń alǵashqy toqsanymen salystyrǵanda, bıyl depozıtterdiń kólemi 5,3 paıyzǵa ósip, 17 trln. teńgeni qurady. Sonyń ishinde 8,3 trln. teńge ulttyq valıýtada saqtalyp otyr. Atalǵan depozıtter 1,5 esege ulǵaıdy.

"Sondaı-aq ınflıatsııanyń báseńdeýi baıqalady. Úsh aıda onyń kólemi 2,3 paıyzdy qurady. Ótken jyly atalǵan kórsetkish 3 paıyz bolǵan. Jyldyq kólemi 7,7 paıyz bolsa, 6-8 paıyz aralyǵynda qalady degen boljam bar", - dep atap kórsetti mınıstr.