Halyq negizinen demalys kúnderi vırýs juqtyrady – Almaty ákiminiń orynbasary

ALMATY. QazAqparat – Almaty ákiminiń orynbasary Saparbek Tuıaqbaev 27-28 maýsymda engiziletin qosymsha shekteý sharalaryn túsindirdi, dep habarlaıdy QazAqparat tilshisi.

«Bul sharalar tek demalys kúnderi ǵana bolady. Dúısenbiden bastap ádettegi rejımge kóshemiz. «Nege tek eki kúnge jabasyzdar?» degen saýaldy kóp qoıady. Júrgizilgen taldaýǵa sáıkes, halyq demalys kúnderi vırýsty jıi juqtyrady. Jumys kúnderi qoǵamdyq tamaqtaný oryndarynda, dúkender men saýda oryndarynda kóp kezek bolmaıdy. Koronavırýs ınfektsııasynyń taralýyna jol bermes úshin osyndaı sharalar qabyldandy», - dedi S.Tuıaqbaev.

Aıta ketý kerek, ákimdik búgin vırýs taralý qaýpi joǵary sanalatyn nysandardy demalys kúnderi jabý týraly sheshim qabyldady.

Oǵan deıin Nur-Sultan qalasynyń ákimdigi osyndaı qaýly qabyldaǵan bolatyn.