Halyq N. Nazarbaevty ult lıderi dep sanaıtyny aqıqat, sondyqtan buny zańnamalyq qamtamasyz etýdiń qajeti de shamaly - senator T. Sımambaev
ASTANA. Maýsymnyń 4-i. QazAqparat /Qanat Mámetqazyuly/ - Halyq N. Nazarbaevty ult lıderi dep sanaıtyny aqıqat, sondyqtan bul máseleni zańnamalyq qamtamasyz etýdiń qajeti de shamaly.
Búgin QR Parlamenti Senatynda ótken kezekten tys otyrystan keıin jýrnalısterge bergen suhbatynda senator Tasbaı Sımambaev osylaı málim etti. Esterińizge sala keteıik, Memleket basshysy Parlament qabyldaǵan QR Tuńǵysh Prezıdentine ult lıderi mártebesin berýge baǵyttalǵan zańyna qol qoıýdan bas tartqan bolatyn, dep habarlaıdy QazAqparat.
«Biz bul ózgerister men tolyqtyrýlardy qabyldaýymyzdyń sebebi, bizge saılaýshylar tarapynan myńdaǵan hattar kelip tústi, olardyń barlyǵy osy zań jobasyn qoldaýǵa úndedi. Biraq, zańdarǵa qol qoıý nemese odan bas tartý Konstıtýtsııamen anyqtalǵan Prezıdenttiń enshisindegi quqyqtyń biri», dedi senator. Onyń paıymdaýynsha, Memleket basshysy durys sheshim qabyldap otyr. «Óıtkeni Ult lıderi mártebesin zańnamalyq akti arqyly rásimdeý - bul mindetti másele emes», dedi ol.
