Halyq memlekettik qyzmet alýshylardyń quqyǵy men mindetteri týraly jetkilikti habardar emes

Búgin Astanada «Qazaqstan Respýblıkasynda memlekettik qyzmet salasyn damytý» taqyrybyna arnalǵan «dóńgelek ústel» barysynda Ekonomıkalyq damý jáne saýda mınıstrliginiń Jaýapty hatshysy  Dına Shájenova osylaı málim etti.

«Rasynda, jurtshylyq biz búgingi kúni qaı baǵytta alǵa jyljyp bara jatqanymyz týraly, sondaı-aq memlekettik qyzmet túrlerin alýshylardyń quqy men mindetteri, ondaı qyzmetterdi kimder kórsetetini týraly jetkilikti habardar emes. Osyǵan baılanysty, memlekettik qyzmetter týraly jeke zań jobasyn ázirlep, qabyldaýdyń ýaqyty jetti dep sanaımyn»,  - dedi Jaýapty hatshy.

Onyń aıtýnysha, búgingi tańda 572 atalymdy qamtıtyn memlekettik qyzmet reestri bekitilgen. Bundaı qyzmetterdiń qatarynda halyq arasynda asa joǵary suranysqa ıe ári turaqty qyzmet bolyp sanalatyn memlekettik qyzmetter de barshylyq. 500-ge tarta memlekettik qyzmetter ákimshilik sıpatqa ıe jáne olardyń deni qandaı da bir qujatty alý men ótkizýge qatysty. Dál osy baǵytta búgingi tańda memlekettik qyzmettiń 239 standarty bekitilgen.

Eske sala keteıik, jańadan ázirlengen zań jobasynda memlekettik qyzmet kórsetý barysynda tutynýshylardyń zańdy múddeleri men quqyqtary buzylǵan jaǵdaıda ol boıynsha shaǵymdar qaraý ınstıtýtyn engizý kózdeledi. Memlekettik qyzmet kórsetýdiń standarttary men reglamentine talaptar arta túsedi, sonyń ishinde árbir azamatty memlekettik qyzmet standarttary jobasyn talqylaýǵa tartý sharalary qaralady.