Halyq kún saıyn 37 mlrd teńgege 4 mıllıonnan astam tranzaktsııa jasaıdy - Ulttyq bank tóraǵasy

NUR-SULTAN. QazAqparat – Halyq kún saıyn somasy 37 mlrd teńgege 4 mıllıonnan astam tranzaktsııa jasaıdy. Bul týraly búgin Úkimettiń keńeıtilgen otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Kóleńkeli ekonomıkanyń kólemin odan ári azaıtý mańyzdy tapsyrma bolyp qalady. Sońǵy jyldardyń nátıjeleri qolma-qol aqshasyz tólemderdiń edáýir óskenin kórsetedi. Tek 2019 jyly osyndaı tólemderiniń kólemi 2 eseden artyq ulǵaıdy. Halyq kún saıyn somasy 37 mlrd teńgege 4 mıllıonnan astam tranzaktsııa jasaıdy. Biraq, mundaı ósimnen bıýdjet úshin nátıje ázirge baıqalmaıdy. Biz Úkimetpen jáne naryqqa qatysýshylarmen birlesip júrgizetin jumys qolma-qol aqshasyz (bólshek) tólemder naryǵyn damytýdyń kelesi jáne sapaly jańa kezeńine kóshýdi qamtamasyz etedi», - dedi E. Dosaev.

Onyń sózine qaraǵanda, naryqqa qatysýshylardyń perspektıvalyq qajettilikterin eskere otyryp, qoldanystaǵy joǵary tehnologııalyq, jalpyǵa qoljetimdi tólem ınfraqurylymyn jańǵyrtý jáne qalyptastyrý jónindegi júıeli sharalar iske asyrylatyn bolady.