Halyq kóp jınalatyn nysandarda qosymsha qaýipsizdik sharalary qolǵa alynady
ASTANA. 8 aqpan. QazAqparat - Zańnamaǵa engizilgen ózgertýler halyq kóp jınalatyn nysandarda lańkestikke qarsy qorǵaý sharalaryn kúsheıtýge múmkindik berip otyr, dep habarlaıdy Ortalyq kommýnıkatsııalar qyzmeti.
Lańkestikke qarsy is-qımyldardyń Qazaqstanda jáne shet elderde jınaqtalǵan tájirıbesi lańkestik áreketterdiń halyq kóp jınalatyn oryndarda jasalý qaýpi týraly aıtýǵa negiz beredi. Lańkester mundaı zombylyq áreketterdiń kómegimen halyqty dúrliktiredi jáne olardyń arasynda úreı týǵyzady.
Qazaqstandyqtardyń ómirin qorǵaý úshin, jańadan ózgertilgen zańnamamen lańkestik áreketter turǵysynan osal nysandar degen uǵym bekitilip otyr. Olardyń qataryna saýda ortalyqtary, kontsert zaldary, sporttyq, oıyn-saýyq nysandar, bilim oshaqtary jáne densaýlyq saqtaý mekemeleri, qonaqúıler, t.b. kiredi.
«Lańkestik turǵydan osal nysandar», «adamdar kóp jınalatyn nysandar» degen jańa uǵymdar engizilip otyr. Lańkestik áreketter turǵysynan osal nysandardy lańkestik qaýipterden qorǵaý jónindegi tıptik talaptar qoldanysqa engiziledi», -dep atap kórsetti buǵan deıin UQK tóraǵasynyń orynbasary Qabdolkárim Ábdiqazymov.
UQK usynǵan jańa ózgertýlerge sáıkes, joǵaryda atalǵan nysandarǵa qaýipsizdikti qamtamasyz etý jónindegi qatań talaptar qoıylatyn bolady.
Jańa Zańǵa Elbasy N.Nazarbaev 2013 jyly 4 aqpanda qol qoıdy. Atap aıtqanda, ondaı nysandardyń basshylary tıisti ótkizý rejımin, obektilerge qoıylatyn talaptarǵa sáıkes olardy qazirgi zamanǵy ınjenerlik-tehnıkalyq kúzet jabdyqtarymen jaraqtaýdy qamtamasyz etýleri kerek. Jáne qyzmetkerlerdi úı-jaılardy qarap tekserý tehnıkasyna úıretý, jarǵysh qurylǵylardyń ornatylýy múmkin oryndardy anyqtaý boıynsha profılaktıkalyq jáne oqý-jattyǵý is-sharalaryn ótkizý týraly talaptar mindettelgen.
Aıta ketetin jaıt, bul sharalar ishki ister organdarynyń baqylaýymen júzege asyrylatyn bolady.
«Engizilgen túzetýler azamattardyń kúndelikti ómirdegi qaýipsizdikteriniń deńgeılerin anaǵurlym arttyrýǵa múmkindik beredi», dep atap kórsetedi Ulttyq qaýipsizdik komıtetiniń ókilderi.
