Halyq qazynasy: Qazaq radıosynda jańa joba bastaldy
NUR-SULTAN. QazAqparat - Qazaq radıosy efırine el eńsesin kóteretin jańa joba shyǵady, dep habarlaıdy QazAqparat.
1 sáýirde Qazaq radıosy Qurmanǵazy atyndaǵy Qazaq ulttyq konservatorııasymen birge «Halyq qazynasy» jobasyn bastady.
«Ult óneriniń sańlaqtary: ánshi, kúıshi, jyrshylar óz shańyraǵynda otyryp, bir týyndyny tarıhymen oryndap beredi. Ony sizder radıo efırinen tyńdaı alasyzdar. Ult mýzykasy sonaý jaýgershilik zaman - «Aqtaban shubyryndy, alqakól sulama» kezinde, jońǵar-qazaq qaqtyǵysynda da dem bergen. Joryq jyraýlary, ózi ánshi, aqyn, kúıshi kompozıtorlar halyqtyń rýhyn halyq mýzykasymen kótergen. Osynaý indet jaılaǵan zamanda bul mindet búginginiń sal-serileriniń moınyna túsip tur. Endeshe ulttyń rýhyn ult mýzykasymen kótereıik» delingen radıonyń áleýmettik jelidegi paraqshasynda.
Aıta keteıik, jańa joba kún saıyn saǵat 9:30-da, 13:30-da jáne 16:30-da bolady.
