Halyq «Qazaqtyń» jekpe-jegin asyǵa kútip otyr
ASTANA. QazAqparat - Búgin qazaqstandyq boksshy Qanat Islam (24-0, 19KO) elordada kezekti jekpe-jeginde kanadalyq Brendon Kýkke (18-0, 11KO) qarsy shyǵady. Boks keshinde taǵy 8 qazaq boksshysy óner kórsetedi. Olardyń birde-bireýi áli jeńilip kórmegen. Boks jankúıerleri búgingi jekpe-jekterdi asyǵa kútip, bastalatyn ýaqytyn qaıta-qaıta naqtylaýda. QazAqparat tilshisi boks keshiniń baǵdarlamasyn taǵy bir márte eske salýdy jón kórdi.
Búgingi jekpe-jekter Astanadaǵy "Saryarqa" velotreginde ótedi. Boks keshin «Qazaqstan» jáne «Qazsport» telearnalary tikeleı efırde kórsetedi. «Qazsport» telearnasy saǵat 17:50-den, al «Qazaqstan» ulttyq telearnasy saǵat 19:55-ten bastap tikeleı efırge shyǵady", - delingen korporatsııanyń baspasóz xabarlamasynda.
"Islam - Kýk" jekpe-jeginiń anderkartynda - Janqosh Turarov (21-0, 15KO) - Brýno Romeı (21-4-0, 18 KO), Jánibek Álimhanuly (1-0, 1KO) - Jılberto Dos Santos (14-5-0, 10 KO), Meıirim Nursultanov (3-0, 2KO) - Ismael Býjno (15-6-0, 10 KO), Rýslan Myrsataev (3-0, 3KO) - Andreas Matıas (5-0-0, 5 KO), Álı Ahmedov (7-0, 5KO) - Tomas Djastın (18-2-0, 7 KO), Aıdos Erbosynuly (6-0, 6KO) - Djonatan Barbadılo (17-4-1, 14 KO), Dımash Nııazov (11-0-3, 5KO) - Edýardo Pereıro (22-4-0,18 KO), Nursultan Jańabaev (2-0, 1KO) - Aleks Dýarte (12-1-1, 9 KO) jekpe-jek ótkizedi.
Aıta keteıik, keshe barlyq boksshylar salmaq ólsheý rásiminen sátti ótti. Shara barysynda Dımash Nııazov óz qarsylasymen tóbelesip qala jazdady. Onyń qarsylasy Ekýardo Perera kóz arbasyp turǵanda iligise ketti. Biraq Dımash óziniń sypaıy minezinen aınyǵan joq.
Brazılııalyqtyń osy bir áreketine namystanǵan Nursultan Jańabaev salmaq ólsheýge shyqqanda óz qarsylasyna: "Kór de tur, erteń seniń belbeýińdi alyp qoıamyn!" - dep aıqaı saldy.
