Halyq Qazaqstannyń jetken jetistikterine jaýapty ekendikterin uqty - Ádil Qaýkenov
ASTANA. QazAqparat - Halyq Qazaqstannyń jetken jetistikterine jaýapty ekendikterin uqty. Bul týraly búgin exit-poll nátıjelerinen keıin tilshilerge bergen suhbatynda saıasattanýshy, táýelsiz sarapshy Ádil Qaýkenov málim etti.
Onyń atap kórsetkenindeı, saılaý memlekettiń jetken jetistikterin bekitýdiń quraly ekendigin sezinedi jáne ony demokratııalyq negizde naqtylaýdyń joly dep túsinedi.
«Bıyl Qazaqstanda kezekten tys prezıdenttik saılaýda saılaýshylar óte joǵary belsendilik kórsetti. Bul boljanǵan da bolatyn. Qazaqstandyq qoǵam joǵary damý kezeńinde tur. Bul damý qoǵamnyń árbir múshesine shyn jetistikter ákelýde. Barlyǵy ony qatty baǵalaıdy. Qazaqstandyqtar qolda bar áleýetti joǵaltqylary kelmeıdi. Sondyqtan saılaýda daýys berý múmkindigin qur jibergisi kelmedi. Memleket aldaǵy damýyna úles qospaq boldy. Kópshiligi óz tańdaýyn jasady. Bul kórsetkish qazaqstandyq qoǵamnyń demokratııalyq ilgerileýiniń arqasynda da múmkin boldy. Qazaqstanda shynymen qoǵam eseıdi. Damýdyń, qalyptasýdyń kóptegen satylarynan, kezeńderinen ótti jáne búginde jetilgen qoǵam keıpinde kórindi. Bul qoǵam esti jáne durys sheshim jasaýǵa daıyn boldy. Sonymen qatar, aıta ketý kerek, Qazaqstannyń qarqyndy damýy, qol jetkizgen turaqtylyq, Astanamyzdyń jáne ózge de oblystardyń damýy syndy jetistikter - jurt quptaıtyn qundylyqqa aınaldy. Azamattyq qoǵam osylardyń barlyǵyna óziniń jaýapty ekendigin sezindi», - dep atap ótti ol.
«Búgin men de barlyq qazaqstandyqtar sııaqty daýys berýge bardym. Uzyn kezekte turdym. Shynymen kóńildi, qyzyq ótti. Kezek kútý ádette kóńil kúıge teris áser etedi, biraq bul joly emes. Naǵyz qazaqstandyq rýhta saılaý barysy óte keremet ótti», - dedi Ádil Qaýkenov.
