Halyq Qazaqstandaǵy Parlament saılaýyn N. Nazarbaevtyń reformalarynyń mańyzdy elementi retinde qabyldaıdy - L. Slýtskıı
ASTANA. QazAqparat - Qazaqstan xalqynyń saılaýǵa degen qyzyǵýshylyǵy biz oılaǵannan da joǵary. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Reseı atynan kelgen xalyqaralyq baıqaýshy Leonıd Slýtskıı málim etti.
«Qazaqstandaǵy saılaý naýqyny xalyq úshin óte yńǵaıly uıymdastyrylǵan. Saılaý ýchaskeleriniń ornalasýy, daýys berý jáshikteri, úıde daýys berý múmkindigi - osynyń barlyǵy xalyqtyń daýys berý quqyǵyn qoljetimdi etýdiń jaǵdaılary. Daýys sanaǵy jóninde Qazaqstanda bul jaǵynan óte kóp oń ózgerister jasalypty», - dep atap ótti L. Slýtskıı.
Onyń sózi boıynsha, xalyq Qazaqstandaǵy Parlament saılaýyn QR Prezıdenti Nursultan Nazarbaevtyń reformalarynyń mańyzdy elementi retinde qabyldaıdy.
«Ekinshi másele - xalyq daýys berýge kóp kelýde. Saılaýǵa degen qyzyǵýshylyǵy óte joǵary. Tańerteń saǵat 07:00-denn bastap adamdar kezekte turdy. Azamattar balalarymen, ata-analarymen merekege kelgendeı kelip jatty. Halyq Qazaqstandaǵy Parlament saılaýyn QR Prezıdenti Nursultan Nazarbaevtyń reformalarynyń mańyzdy elementi retinde qabyldaıdy. Qazaqstan xalqynyń saılaýǵa degen qyzyǵýshylyǵy biz oılaǵannan da joǵary», - dep túıdi sózin baıqaýshy.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.
