Halyq qaı saladaǵy memlekettik qyzmetshilerge jıi shaǵymdanady

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bıgaıdarov shaǵym jıi túsetin memlekettik organdardy atady, dep habarlaıdy QazAqparat.

«Aryzdyń kópshiligi ishki ister organdary, ákimdikter, bilim, densaýlyq saqtaý, keden organdary qyzmetkerlerine jáne salyqshylardyń atyna túsedi», - dedi D. Bıgaıdarov Facebook jelisinde ótken «Antikor Life» suhbatynda.

Spıkerdiń aıtýynsha, turǵyndar para berý, para alý, túrli qujattardy berýde para talap etý syndy zańbuzýshylyqtardy habarlaıdy.

«Kóp jaǵdaıda turǵyndar jol apatyna ushyraǵanda, jol erejesin buzǵanda para berýge tyrysady. Adamdar máselen 25 myń teńge aıyppuldan qashyp, para berýge tyrysady da, aqyr sońynda mıllıon teńgeniń aıyppulyna nemese qylmystyq iske tap bolady», - dedi D. Bıgaıdarov.

Buǵan deıin maman sybaılas jemqorlyq týraly habarlaǵan 90 adam 14 mln teńge syıaqy alǵanyn málimdegen edi. Sybaılas jemqorlyq faktileri týraly 1424 nómirine habarlasýǵa bolady.