Halyq qalaýlylary ózderine júktelgen jaýapkershilikti aıqyn sezinetin kez keldi - B.Janádilov
Onyń aıtýynsha, elimizde bılik ókilettikterin bólisý reformasy der kezinde qolǵa alynyp otyr.
«Memleket basshysy Nursultan Nazarbaev memleket damýynyń kelesi belesine der kezinde jol ashyp berdi. Rasynda da bizge bedeldi Parlament, halyqqa esep berip otyratyn Úkimet kerek. Saıası reforma halyqtyń talqylaýyna usynylyp otyr. Bul demokratııalyq joldy tańdaǵan el úshin mańyzdy qadam.
Shynyn aıtý kerek, biz bul Úndeýdi muqııat zerdelep, oı eleginen ótkizdik. Oı elegi ǵana emes, júrek tebirenisi, keleshek kúnderge degen jaýapkershiliktiń bıik jotasynan baǵamdaý dep aıtsaq ta bolar. Iə, zaman dıdary ózgerýge tıis. Sonymen birge, memlekettik basqarý júıesin de túbegeıli jańǵyrtatyn kezdiń kelgeni dep túsinýge tıispiz. Munyń ózi eń aldymen jalpaq jurttyń múddesi, zymyran zamannyń aıqyn talaby, sonymen birge, aınalyp kelgende keler urpaqtyń keleshegin oılaý dep aıtýǵa əbden bolady. Menińshe osy reforma aıasynda Úkimetti jasaqtaýdaǵy Parlamenttiń róli barynsha kúsheıedi. Tıisinshe Mınıstrler kabıneti óz jaýapkershiligin arttyra túsedi. Qarapaıym tilmen aıtqanda bıliktiń zań shyǵarýshy tarmaǵynyń atqarýshy bılikke baqylaýyn kúsheıtedi», deıdi B.Janádilov.
Sonymen qatar, ol dúnıejúzinde oryn alyp otyrǵan saıası, ekonomıkalyq daǵdarys kezinde el bıligi eldegi naqty jaǵdaıdy kózben kórip durys sheshim qabyldaýǵa birtaban jaqyndaıtynyn aıtýda.
«Búgin əlem uly ózgerister úderisinde. Sondyqtan da jańasha sheshim, sony júıe qajet-aq. Memleket basshysy endigi arada syrtqy saıasatqa, ulttyq qaýipsizdik pen eldiń qorǵanysyn nyǵaıtýǵa kúsh-jigerin jumyldyrady. Osy oraıda, Úkimet pen Parlamenttiń róli nyǵaıa túsedi. Ásirese, halyq qalaýlylary ózderine júktelgen jaýapkershilikti aıqyn sezinetin ýaqyt keldi», dep sózin qorytty keıipkerimiz.
