Halyq qaharyna minse, han taǵynan taıady
ASTANA. 10 qańtar. QazAqparat - Ótken jyldyń naýryzynda áskerı tóńkeris nátıjesinde bılik basyna kelgen Ortalyq Afrıka Respýblıkasynyń basshysy Mıshel Djotodııa prezıdenttik laýazymynan bas tartty, dep habarlady VVS.
Prezıdenttiń bolashaǵyna qatysty másele Afrıka elderi kóshbasshylarynyń Chadtaǵy kezdesýiniń kúntártibine qoıylǵan edi. Óıtkeni, birneshe aıdyń ishinde ol eldegi daǵdarysty sheshýge baǵyttalǵan syndarly sheshim qabyldaı alǵan joq. Buǵan qosa, myńdaǵan adam OAR astanasy Bangı qalasynda kóshege shyǵyp, prezıdenttiń otstavkaǵa ketýin talap etken-di.
Aıta keteıik, ótken jyldyń naýryzynda OAR-da burynǵy prezıdent Frantsýa Bozıze taqtan taıǵannan keıin hrıstıandar men musylmandar arasyndaǵy qaqtyǵystar tolastar emes. Tipti elge kirgizilgen qosymsha bitimgershilik kontıngenti de janjalǵa tosqaýyl qoıa almaı otyr.
