Halyq Qaharmany S.Nurmaǵambetovtyń júldesi úshin bokstan XVIII halyqaralyq týrnır ótedi
ASTANA. 8 mamyr. QazAqparat - Erteń elordadaǵy «Dáýlet» sport kesheninde Keńes Odaǵynyń Batyry, Halyq qaharmany, armııa generaly Saǵadat Nurmaǵambetovtyń júldesi úshin bokstan XVIII halyqaralyq týrnır bastalady, dep habarlady QR Boks federatsııasynyń baspasóz qyzmetinen.
Birneshe jyldan beri turaqty ótip kele jatqan bul týrnır tek elimizde ǵana emes, taıaý jáne alys shet elderge de keńinen tanymal. Jyl saıyn jarysqa 150-ge jýyq boksshy qatysady. Bıyl elordaǵa Qazaqstannyń barlyq oblystyq komandalarymen qatar Bırma, Irak, Mońǵolııa, Sırııa, Ózbekstan, Túrkimenstan, Tájikstan, Reseı jáne Ýkraına elderiniń kúrzi judyryq jigitteri keledi dep kútilýde. Budan bólek sharshy alańdaǵy shaıqasqa elimizdiń ulttyq quramasynyń da músheleri qatysady.
Týrnırge armııa generaly Saǵadat Nurmaǵambetovtyń qatysýy kútilýde.
Aıta keteıik, osy baıraqty básekege qatysqan elimizdiń talaı sańlaqtary, atap aıtqanda Serik Sápıev, Gennadıı Golovkın, Baqtııar Artaev, Muhtar Dildábekov, Erkebulan Shynalıevter Olımpıada jáne álem chempıonattarynda top jarǵan bolatyn.
