Halyq qaharmany R.Qoshqarbaevtyń Reıhstagqa tikken týy Qazaqstanǵa ákelindi
ASTANA. Mamyrdyń 5-si. QazAqparat /Arman Asqarov/ - Uly Otan soǵysyna qatysqan belgili qazaq jaýyngeri, Halyq kaharmany Raqymjan Qoshqarbaev Reıhstagqa tikken týdyń túpnusqasy Qazaqstanǵa ákelindi,
dep habarlaıdy QazAqparat.
Osyǵan oraı búgin Eýrazııa ulttyq ýnıversıtetinde saltanatty is-shara ótedi. Professor Zııabek Qabyldınovtyń aıtýynsha, týdyń túpnusqasy general-maıor, Aýǵan soǵysynyń ardageri Serikqalı Muqanovtyń tikeleı aralasýymen Reseıden ákelinip otyr. «Búgin Eýrazııa ulttyq ýnıversıtetinde ótetin ǵylymı keńeste osy Uly Jeńistiń týy tanystyrylyp, QR Tuńǵysh Prezıdentiniń murajaıyna tapsyrylatyn bolady», - deıdi Z. Qabyldınov.
Aıta keteıik, 1945 jyly sáýirdiń 30-y kúni saǵat 14:29-da Aqmola oblysynyń týmasy kishi leıtenant Raqymjan Qoshqarbaev pen reseılik Grıgorıı Býlatov Reıhstagtyń tóbesine Keńes áskeriniń alqyzyl týyn tikken bolatyn. Bul Uly Jeńisti aıǵaqtaǵan tarıhı sát edi.
