Halyq qabyldanatyn zańdar týraly depýtattardan buryn biletin boldy

ASTANA. QazAqparat - QR Ádilet mınıstrliginde mekemearalyq komıssııanyń otyrystarynda qaralatyn zań jobalaryn keńinen túsindirýge arnalǵan baspasóz ortalyǵy ashyldy.

Ortalyq basshysy Oljas Ramazanovtyń aıtýynsha, mekemearalyq komıssııa - bul zań shyǵarýdyń alǵashqy satysy. Sondyqtan baspasóz ortalyǵy arqyly qarapaıym halyq qabyldaýǵa jiberiletin zańdar týraly depýtattardan buryn biletin bolady, dep habarlaıdy QazAqparat tilshisi.

«Barlyq zańdar adymen Ádilet mınıstrligi janyndaǵy mekemearalyq komıssııada qaralady. Sondyqtan ony zań shyǵarýshy jumysynyń alǵashqy satysy deýge bolady. Quziretti mınıstrlikter osynda  daıyndalǵan zań jobalaryn tanystyrady. Komıssııanyń qaraýynan keıin olar zań shyǵarýshy organǵa, ıaǵnı Parlamentke jiberiledi», - deıdi O.Ramazanov. 

Aıta keteıik, jańa baspasóz ortalyǵynyń zalynda buryn mınıstrdiń kabıneti bolǵan. Mınıstr Marat Beketaev óz kabınetin basqa kórshi bólmege aýystyrdy. 

 «Memleket basshysynyń tapsyrmasyna sáıkes ázirlenip jatqan zań jobalaryn aýqymdy túsindirý jumystaryn júrgizý qajet. Osyǵan oraı, bizdiń baspasóz ortalyǵymyz mekemearalyq komıssııada qaralatyn zań jobalary týraly aqparatty qoǵamǵa jetkizetin bolady. Jańa zalda jýrnalıster komıssııanyń jumysyn tikeleı efırde kóre alady. Al árbir baıandamadan keıin sóz sóılegen adam osynda kelip, buqaralyq aqparat quraldarynyń suraǵyna jaýap beretin bolady. Búginnen bastap mekemearalyq komıssııanyń jumysy osyndaı formatta uıymdastyrylady», - dedi M.Beketaev baspasóz ortalyǵynyń ashylý rásiminde.

Arman Asqarov