«Halyq ІRO» baǵdarlamasynyń saıty jáne arnaıy «jedel baılanysy» iske qosyldy

ASTANA. 13 sáýir. QazAqparat - 2012 jyldyń 9 sáýirinde halyq úshin arnaıy «jedel baılanys» iske qosyldy. «Jedel baılanys» telefony boıynsha «Halyq ІRO» baǵdarlamasy týraly jedel aqparat alýǵa bolady.

Bul jaıynda «Samuryq-Qazyna» qorynyń resmı saıtynda jarııalanyp otyr.

Sall-ortalyqta táýlik saıyn memlekettik jáne orys tilderin meńgergen operatorlar toby jumys isteıdi.  Statsıonarlyq telefondardan «jedel baılanysqa» túsetin qońyraýlar tegin.

Budan basqa, «Halyq ІRO» baǵdarlamasynyń veb-saıty jumys isteı bastady (www.halyk-ipo.kz ).

Osy web-resýrs ár qadam saıyn birte-birte kelýshige qalaı jeke menshik ınvestor bolý kerektigi týraly nusqaý beredi. Brokerdi qandaı ólshemder boıynsha tańdaý, aktsııa satyp alý úshin qansha qarajat salý kerek jáne ınvestıtsııalaýdyń qandaı strategııasyn tańdaýǵa bolatyny kórsetiledi. Nusqaýlyqtyń kórnektiligi úshin ol aqparattyq keskindememen [1] súıemeldengen, al qosymsha aqparat alý úshin kelýshilerge «Suraq-jaýap» aıdaryna habarlasý usynylady.

Belsendi ınternet-paıdalanýshylar úshin Twitter (https://twitter.com/Halyk_IPO) jáne Facebook (www.facebook. com/halyk.ipo) sııaqty osyndaı áleýmettik jelilerde Baǵdarlamanyń resmı akkaýnttary ashylǵan.

[1] Aqparattyq keskindemeni jaqsy sapada basyp shyǵarý úshin  www.halyk-ipo.kz saıtynan júktep alýǵa bolady.

Qazaqstan boıynsha tegin qońyraý 8 800 080 50 70 jáne Almaty qalasynda 8 [phone] nómiri boıynsha qońyraýlar qabyldanady.