Halyq emshiligimen zańsyz aınalysqany úshin A.Kashpırovskıı sot aldynda jaýap beredi
«Bizge prokýrorlyq tekseris keldi, biz RF ÁQtK 6.2 baby (halyq emshiligimen zańsyz aınalysý) boıynsha ákimshilik quqyqbuzýshylqy týraly hattama toltyryp, ony Perm qalasynyń Dzerjınskıı aýdany boıynsha sotqa joldadyq», dedi Perm ólkesi boıynsha Reseı densaýlyq saqtaýdy qadaǵalaý vedomstvosynan. Atalmysh bap boıynsha 2 myńnan 4 myńǵa deıin aıyppul salý kózdelgen. Aıta keteıik, 1989 jyly «Dáriger-psıhoterapevt Anatolıı Kashpırovskııdiń densaýlyq seanstary» televızııalyq baǵdarlamasynyń arqasynda tanymal bolǵan psıhoterapevt Perm qalasyndaǵy mádenı-iskerlik ortalyqta psıhoanalız seanstaryn ótkizip, emdeıdi degen jeleýmen árqaısysyn 500 rýblden dıskiler men fotosýretter satqan. 2006 jyly Kashpırovskıı Chelıabi qalasynda ákimshilik jaýapkershilikke tartylǵan. Chelıabi memlekettik medıtsınalyq akademııasynyń mamandarynyń qorytyndysy boıynsha, «emshi» adamnyń psıhıkalyq jáne fızıkalyq saýlyǵyna teris áserin tıgizetin gıpnoz ádisterin qoldanǵan.
