Halyq emin-erkin óz tańdaýyn jasaýda - batysqazaqstandyq ǵalym referendým jaıly

ORAL. QazAqparat – Búgin elimizde Konstıtýtsııaǵa ózgerister men tolyqtyrýlar engizý jóninde búkilhalyqtyq referendým ótip jatyr, dep habarlaıdy QazAqparat tilshisi.

Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń «Rýhanı jańǵyrý» ortalyǵynyń aǵa oqytýshysy, tarıh ǵylymdarynyń kandıdaty Esqaırat Haıdarovtyń aıtýynsha, daýys berý barysy ózi tirkelgen Oral qalasyndaǵy referendým ýchaskesinde qalypty ótýde.

«Mundaǵy ýchaskede jumys jaqsy uıymdastyrylǵan. Daýys berýshilerdiń qarasy qalyń. Adamdar emin-erkin óz tańdaýyn jasaýda. Sonyń ishinde stýdent jastar da jaýapkershilikti sezinip, kelip jatyr. Jaı mýzyka oınap tur, merekedegideı kóńil-kúı baıqalady», - dedi E.Haıdarov.