Halyq emi koronovırýstan jazylýǵa kómektese me – maman jaýaby
NUR-SULTAN. QazAqparat – Ortalyq kommýnıkatsııalar qyzmetinde ótken «KVI kezinde asqynýdyń aldyn alý» atty onlaın brıfıngte halyq eminiń koronavırýsty emdeýge qalaı áser etetini týraly aıtyldy, dep habarlaıdy QazAqparat tilshisi.
«Halyq eminde borsyq maıy men aıý maıy jıi qoldanylady. Onyń emdik qasıeti bar ekenine eshqandaı dálel joq, sol sebepti mundaı maı ishken jaǵdaıda koronavırýstan emdelip ketetinine kepildik joq. Sondyqtan halyq emi koronavırýsty emdeıdi dep kesip aıtýdyń qajeti joq», - deıdi QR DSM Ulttyq ftızıopýlmonologııa ortalyǵy dırektorynyń orynbasary Lázzat Eralıeva.
Nur-Sultan qalasy ákimdiginiń Kópsalaly medıtsınalyq ortalyǵyna qarasty qalalyq ınfektsııalyq ortalyǵynyń basshysy Tatıana Tsechoeva koronavırýs aýrýynyń asqynyp ketýine áser etetin birneshe sebep bar ekenin aıtty.
«Aýrýdyń asqynbaýy dárigerlerdiń usynys-keńesin oryndaýǵa baılanysty. Halyqtyń dárigerler keńesine qulaq asqysy kelmeıdi. Ekinshiden, aýrýdyń asqyný-asqynbaýy adamnyń aǵzasyna da baılanysty. Sozylmaly aýrýy bar, ımmýndyq júıesinde aqaýy bar adamdarda bul aýrý óte aýyr ótedi jáne ólimmen aıaqtalýy múmkin», - deıdi ol.
