Halyq depozıtterde 17 trln teńge ustap otyr

ASTANA. QazAqparat – Qazaqstan bankterinde halyqtyń 17 trln teńge depozıti saqtaýly. Bul derekti «Qazaqstannyń depozıtterge kepildik berý qory» aktsıonerlik qoǵamynyń tóraǵasy Ádil Ótembaev málim etti, dep habarlaıdy QazAqparat tilshisi.

Qazirgi tańda halyqtyń bank depozıtterine degen senimi joǵary deńgeıde dep aıtýǵa bolady. Buǵan mynandaı statıstıka dálel bola alady. Keıingi 4 jylda halyqtyń depozıti 2 eseden astam ulǵaıyp, ekinshi deńgeıdegi bankterdiń mindettemelerindegi úlesi 44%-ǵa jetti. Alaıda, halyq depozıtteriniń kólemi rekordtyq kórsetkishke jetip, 17 trln teńgeden assa da, áli de aqshasyn «jastyǵynyń astyna basyp otyrǵanǵandar» bar

, - deıdi ol.

Ádil Ótembaev eldegi bankter halyqtyń atalǵan sanatymen jumys isteı túsýi kerek dep esepteıdi.

«Bankterde aqshalaı qor jınaý jaǵdaıy kóp jaǵdaıda halyqtyń otandyq bank júıesine degen seniminiń arqasynda qalyptasty dep aıtýǵa bolady», - deıdi qordyń basshysy.

Buǵan deıin ol lıtsenzııasynan aıyrylǵan bankter depozıt aqshasyn qalaı qaıtaratynyn aıtqan bolatyn.