Halyq bizden naqty usynystar men nátıje kútip otyr – QR Prezıdenti

NUR-SULTAN. QazAqparat – Búgin dál osyndaı jańa formatta kezdesip otyrǵanymyzdyń ózi oń ózgeristerge bárimizdiń múddeli ekenimizdi kórsetedi. Halyq bizden naqty usynystar men nátıje kútip otyr, - dep málim etti Memleket basshysy Qasym-Jomart Toqaev elordadaǵy Ulttyq qoǵamdyq senim keńesiniń alǵashqy otyrysynda.

Aqorda baspasóz qyzmetiniń Twitter- de jazýynsha, QR Prezıdenti ulttyq múdde memlekettik saıasattyń basty baǵyty bolatynyn aıtqan.

«Ulttyq qoǵamdyq senim keńesi osy mindetti oıdaǵydaı júzege asyratyn biregeı qurylymǵa aınalady dep senemin. Biz halyq senimin aqtaýymyz kerek. Árbir azamattyń múddesi biz úshin óte mańyzdy. Ulttyq keńeske múshe bolyp otyrǵan ózderińizdeı azamattar jumylsa, jumysymyz tabysty bolady dep senemin. Kez kelgen mańyzdy bastama qoǵamda ashyq talqylanyp, halyqtyń qoldaýyna ıe bolýy tıis», -dep atap ótken Memleket basshysy.