17:47, 25 Naýryz 2020 | GMT +6
Halyq birinshi kezekte tutynatyn taýarlardyń tapshylyǵy bolmaıdy
NUR-SULTAN. QazAqparat - Qazaqstan Úkimeti 9 túrli taýardy eksporttaýǵa tyıym saldy. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«Saýda ortalyqtaryndaǵy kezek azaıyp keledi. Osy rette halyq birinshi kezekte tutynatyn taýarlardyń tapshylyǵy bolmaıtynyn taǵy da aıtqym keledi», - dedi ol.
Mınıstrdiń aıtýynsha, bul maqsatta Úkimet 9 túrli taýardy eksporttaýǵa tyıym salǵan. Olardy qazir saýda jelileri, óńirlik azyq-túlik baǵasyn turaqtandyrý qory, kóterme saýda jasaýshylar satyp alýda.
«Qazirdiń ózinde kóptegen óndirýshiler óz ónimderin ishki naryqqa baǵyttaǵanyn baıqap otyrmyz. Sondyqtan, osyndaı kúrdeli ýaqytta óz eline kómektesip jatqan kásipkerlerge alǵys aıtamyz»,- dedi Dáýren Abaev.
