Halyq beıbit ómir men tynyshtyq úshin daýys berdi - Aýǵan soǵysynyń ardagerleri
ASTANA. 6 sáýir. QazAqparat /Arman Asqarov/ - Elimizde ótken QR Prezıdentiniń kezekten tys saılaýynda halyq beıbit ómir men tynyshtyq úshin daýys berdi.
Búgin Astanada ótken baspasóz máslıhatynda «Aýǵan soǵysynyń ardagerleri» qoǵamdyq birlestiginiń tóraǵa orynbasary Baqytbek Smaǵul osylaı aıtty.
«Biz, aýǵan soǵysynyń ardagerleri, eldegi tynyshtyq pen beıbit ómirdiń qunyn jaqsy bilemiz. Qoǵamdyq turaqsyzdyq pen surapyl soǵys jyldaryndaǵy ómirdi kórgen bizben qatarlas jáne bizdiń aldymyzdaǵy aǵa býyn ókilderi táýelsiz 20 jyldyń ishinde Qazaqstan jerinde ornaǵan tatýlyq pen yntymaqqa toly búgingi kúnderdiń qandaı eńbekpen berilgenin túsinedi. Osy beıbit kúnderge biz Nursultan Nazarbaevtyń prezıdenttigi kezinde qol jetkizdik. Sondyqtan elimizde ótken QR Prezıdentiniń kezekten tys saılaýynda halyq beıbit ómir men tynyshtyq úshin daýys berdi dep bilemiz», - deıdi B.Smaǵul.
