Halyq Berlın qamalynyń qalǵan bóligin buzýǵa qarsy
ASTANA. 18 naýryz. QazAqparat - Germanııa halqy Berlın qamalynyń qalǵan bóligin buzý týraly el úkimeti sheshimine qarsy,
dep habarlaıdy 24.kz.
Narazylyq sharasyn amerıkalyq akter Devıd Hasselhoff basqardy. Ol tilshilerge bergen suhbatynda «Berlın qamaly qasıetti jáne bılik qamaldy qozǵamaýy tıis» degen talabyn jetkizdi. Aıta ketsek, bul qamaldyń bir bóligi Shpree ózeniniń boıynda. Al jergilikti bılik atalǵan ózenge kópir salyp, Frıdrıhshaın men Kroıtsberg aýdandaryn qosýdy josparlap otyr. Ákimshilik ókilderiniń pikirinshe, qamal jańa salynatyn kópirge kedergi týǵyzýda. Sonymen qatar tarıhı ǵımarattyń mańynda qurylys jumystary júrgizilmek. Esterińizge salaıyq, Berlın qamalyn bezendirý jumystaryna 20 memleketten jınalǵan 120 sýretshi qatysty. 1991 jyldan beri bul tarıhı qundylyq mádenı mura retinde memlekettiń qorǵaýynda bolǵan.
