Halyq bankiniń basqarma tóraıymy: Azıada alaýyn saqtaý - úlken jaýapkershilik júkteıdi
ALMATY. 23 jeltoqsan. QazAqparat /Erlik Erjanuly/ - Azıada alaýyn saqtaý - úlken jaýapkershilik. Mundaı abyroıly da jaýapty mindettti biz oıdaǵydaı oryndaı alamyz. Bul týraly búgin Almatyda 7-Qysqy Azıada oıyndary alaýy estafetasy dırektsııasy men Halyq banki arasyndaǵy seriktestik týraly kelisimge qol qoıý rásiminde aıtyldy.
Halyq bankiniń basqarma tóraıymy Úmit Shaıahmetovanyń aıtýynsha, Azıada alaýynyń tasymaldanbaly ottyǵy banktiń Almatydaǵy bas keńsesinde arnaıy bólingen zalda saqtalatyn bolady. Ony qala turǵyndary men qonaqtary kórip-tamashalaı alady. 7-Qysqy Azıada oıyndary alaýy estafetasynyń dırektsııasy ókilderiniń sózine qaraǵanda, estafetanyń seriktesi ári Azıada alaýynyń saqtaýshysy retinde Halyq Bankiniń tańdalýy kezdeısoq emes. Estafeta Qazaqstannyń barlyq óńirin qamtıtyn bolǵan soń, jobanyń talaptaryna sáıkes seriktes banktiń respýblıkanyń árbir óńirinde fılıaly bolýy qajet. Óıtkeni Azıada-2011 alaýy estafetasynyń kezeńderi arasynda Alaý oty osy fılıaldarda saqtalatyn bolady. Jobada sondaı-aq, banktiń halyq arasyndaǵy tanymaldyǵy, al eń bastysy - senimdiligi de eskerildi. Alaý estafetasy dırektsııasynyń mundaı talaptaryna Halyq banki tolyǵymen jaýap bere alady.
