«Halyq Bankiniń» bankomattary aqsha bermeıdi - bank ókiliniń jaýaby

ALMATY.QazAqparat - «Halyq Banki» AQ basshylary bankomattarynyń isten shyǵatyny týraly aqparatty joqqa shyǵardy. Bul týraly QazAqparat tilshisine banktiń resmı ókili Larısa Kokovınets aıtty.

Buǵan deıin áleýmettik jeliler men messendjerlerde eki  banktiń birigýine baılanysty, «Halyq Banki» AQ qarajattyq operatsııalardy júzege asyrmaıtyndyǵy týraly aqparat taraǵan bolatyn.

Al búgin olardyń bankomatynyń aqsha bermeıtini jaıynda sybys taraýda.

«Aqparat jalǵan. «Halyq Banki» AQ pen «Qazkom» bankomat  jelileri aqaýsyz istep tur. Qazir eki banktiń birigýine baılanysty kúrdeli tehnıkalyq jumystar júrip jatyr. Sol sebepti de tutynýshylar men áriptesterimiz arasynda qate túsinik bolýy múmkin»,- dedi Larısa Kokovınets.

Sondaı-aq, ol jaqyn arada bankter arasyndaǵy ıntegratsııa aıaqtalatynyn, tıisinshe qyzmet sapasy joǵarylaıtyndyǵyn jetkizdi.