Halyq banki jalǵan statıstıkalyq málimetterdi bergeni úshin ákimshilik jaýapkershilikke tartyldy
ASTANA. QazAqparat - QR Ulttyq bankiniń 2015 jylǵy 29 shildedegi qaýlysy boıynsha «Qazaqstan halyq banki» AQ Qazaqstan Respýblıkasy Ákimshilik quqyq buzýshylyqtar týraly kodeksiniń 497-babynyń 1-bóligi boıynsha ákimshilik jaýapkershilikke tartyldy, dep habarlaıdy Qazaqstan qor bırjasynyń saıtynan.
Bul bap memlekettik statıstıkanyń tıisti organdaryna jalǵan bastapqy statıstıkalyq málimetterdi usynǵany úshin eskertý retinde ákimshilik jaýapkershilikti qarastyryp otyr.
16-PB úlgisindegi «Qolma-qol sheteldik valıýtanyń qozǵalysy týraly» esebinde jalǵan aqparat usynǵan. Atap aıtqanda bank 210 (somasy azaıtylǵan) jáne 320 (somasy kóbeıtilgen) shıfrlary boıynsha jalǵan derek bergen, keltirilgen shyǵyn kólemi 229 980 myń rýbldi quraǵan.
