Halyq banki óz klıentteriniń kartalaryn buǵattaıdy
ASTANA. QazAqparat - Halyq banki óziniń keıbir klıentteriniń kartalaryn buǵattaıdy. Kartalarynyń buǵattalǵany týraly paıdalanýshylar qarajatty ala almaǵan kezde nemese qolma-qol aqshasyz esep aıyrysqan kezde bile alady, dep jazady kazpravda.kz.
Bank qyzmetkeri kartochka ustaýshylardyń birine telefon arqyly onyń tólem quraly avtomatty túrde buǵattalǵanyn habarlaǵan, sebebi alaıaqtyq operatsııa jasalýy múmkin bolǵan. Onyń aıtýynsha, alaıaqtar bankomattarda «oqıtyn qurylǵy» paıdalanýy múmkin.
Bankte kartochkany qaıta ashýǵa bolatynyn atap ótti. Bunyń jaýapkershiligin árıne, klıent ózi kóteretin bolady. Al jańa kartany ustaýshynyń ótinishi boıynsha 10-12 kúnde alýǵa bolady.
Qarjy mekemesiniń ókili sol jáne basqa da sebeptermen kóptegen paıdalanýshylardyń kartalary buǵattalǵanyn málimdedi.
Basylym atap ótkendeı, áńgime skımmıng degen alaıaqtyqtyń túri jaıynda. Qaskúnemder bankomatqa beıne kameramen oqıtyn qurylǵy ornatyp qoıady da jalǵan tólem kartalaryn qoldan daıyndaıdy.
