Halyq banki Qazkomdy satyp alady - Danııar Aqyshev

ALMATY. QazAqparat -  «Halyq banki» AQ  men «Qazkommertsbank» AQ arasynda satý-satyp alý týraly kelisim jasalyp jatyr. Bul týraly búgin Almatyda ótken baspasóz máslıhaty barysynda QR Ulttyq bankiniń tóraǵasy  Danııar Aqyshev aıtty.

«Qazirgi tańda eki bank arasyndaǵy ózara memorandýmǵa sáıkes birqatar sharalar júzege asyp jatyr. Atap aıtqanda, aktıvterdiń sapasyn keshendi tekserý  (due diligence) júrip jatyr. Satý, satyp alý týraly kelisimshart jáne  basqa da qajetti qujattar jasalý ústinde», - dedi D.Aqyshev.

Onyń aıtýynsha, atalǵan mámileniń júzege asýy eki jaqtyń mamandarynyń birikken jumysyna baılanysty bolmaq.

Aıta ketý kerek, budan buryn Halyq bankiniń Qazkommertsbankti satyp alýda saqtyq tanytyp jatqanyn jazǵan edik.