«Halyq banki» Qazaqstandaǵy HSBC enshiles uıymynyń 100 paıyzyn satyp almaq
ASTANA. QazAqparat - «Qazaqstannyń ulttyq banki» AQ Qazaqstandaǵy HSBC enshiles uıymynyń 100 paıyz aktsııasyn satyp almaq. HSBC Bank plc-pen tıisti kelisim jasaldy, dep habarlady «Halyq banki» AQ baspasóz qyzmetinen.
«Bul kelisim turaqty jáne ózge de maquldaýǵa alynyp, halyqaralyq praktıkaǵa sáıkes basqa da jaǵdaılardy oryndaýǵa jol ashady, buǵan 2014 jyldyń ishinde qol jetkizilmek», - delingen taratylǵan habarlamada.
Atalǵan mámile «Halyq banki» AQ-ǵa Qazaqstannyń banktik naryǵynda óziniń kóshbasshylyq ustanymyn nyǵaıtyp, iri ulttyq kompanııalar men QR-da jumys isteıtin sheteldik kompanııalar arasynda bólshek saýda segmentinde jańa klıentterdi tartýǵa múmkindik beredi.
«HSBC Qazaqstan banki» AQ bizdiń elimizdiń naryǵynda 1998 jyldan bastap jumys isteıdi. QR Ulttyq bankiniń derekterine súıensek, 2014 jylǵy 1 qańtardaǵy jaǵdaı boıynsha kompanııa 187 mlrd. teńgeden astam aktıvterimen jáne 26 mlrd. teńgeden astam jeke kapıtalymen ekinshi deńgeıli bankter arasynda 17-shi oryndy ıelengen.
