Halyq Banki Qazaqstan temir jolymen birlesip, qaýipsiz tólemder júıesin jetildirýge qol jetkizdi
ALMATY. 7 qyrkúıek. QazAqparat /Ádilet Musahaev/ - «Qazaqstan Halyq Banki» AQ «Qazaqstan temir joly» UK» AQ-men birlesip 3D-Secure tehnologııasyn qoldaný arqyly www.pcentre.kz saıtyndaǵy (Elektrondyq vıtrına) qaýipsiz tólemder júıesin jetildirýge qol jetkizdi.
Jańa tehnologııa 3D Secure baǵdarlamasyna qatysýshy tólem kartochkasyn ıelenýshilerge Internet jelisinde esep aıyrysý qaýipsizdigin arttyrýǵa múmkindik beredi.
3D-Secure - bul VISA (Verified by Visa júıesi) jáne MasterCard (Secure Code júıesi) halyqaralyq tólem júıeleriniń ınnovatsııalyq tehnologııasy. Jelide esep aıyrysý úshin kartochkany paıdalaný kezinde 3DS baǵdarlamasyna qatysýshy klıenttiń málimetteri emıtent-banktiń serverine jóneltiletin bolady, odan ári bul server qosymsha 3-DS-paroli boıynsha kartochka ıesine sáıkestendirý júrgizedi.
Osy atalǵan jańa tehnologııaǵa kóshýge baılanysty www.pcentre.kz saıtynan Internet arqyly temir jol bıletterin satyp alý birshama ózgertilgen. Máselen www.pcentre.kz betinde «Satyp alý» degen batyrmany basqannan keıin, tirkelgen klıenttiń kartochkadaǵy málimetterin (klıenttiń aty, kartochka nómiri, expire date, cvv2/cvc2 jáne tranzaktsııa nátıjesin jóneltý úshin poshtalyq meken-jaıy) engizý úshin ekvaıer-banktiń (Halyq Banki) saıtyna jóneltiledi.
Eger klıent 3D Secure baǵdarlamasyna qatysýshy bolsa, oǵan arnaıy jolda 3D Secure - parolin engizý usynylady.
Avtorızatsııa sátti júrgizilgen jaǵdaıda ekranda elektrondyq chektiń kórinisi paıda bolady, onda júrgizilgen operatsııa týraly aqparat beriledi.
Jiberiletin málimetterdiń barlyǵy SSL qaýipsizdik hattamasyn paıdalaný arqyly qorǵalǵan.
