Halyq Bank Qazaqstannyń valıýta aıyrbastaý operatsııalary naryǵyndaǵy kóshbasshy tanyldy
ASTANA. 8 qańtar. QazAqparat - «Global Finance» bedeldi halyqaralyq qarjy basylymynyń málimetine sáıkes,
«Qazaqstan Halyq banki» AQ «Qazaqstandaǵy valıýta aıyrbastaý operatsııalarynyń naryǵynda qyzmet kórsetýshi úzdik provaıder - 2013» («Best Foreign Exchange Provider Kazakhstan 2013») atalymy boıynsha úshinshi jyl qatarynan jeńimpaz dep tanyldy, dep habarlady banktiń baspasóz qyzmetinen.
«Global Finance» halyqaralyq basylymy eksklıýzıvti zertteýler arqyly túrli elder men óńirlerde ártúrli sanattar boıynsha «valıýta aıyrbastaý operatsııalarynyń naryǵynda qyzmet kórsetýshi úzdik provaıderlerdi» anyqtady, onyń nátıjesi jýrnaldyń qańtar aıyndaǵy sanynda jarııalanady.
Atalǵan basylymnyń salalyq taldaýshylardan, kompanııa basshylarynan jáne tehnıkalyq sarapshylardan quralǵan sarapshylyq toby dúnıejúziniń 97 elindegi jáne óńirindegi úzdik provaıderdi tańdap aldy. Tańdaý jasaý kezinde klıentter júrgizetin tranzaktsııalardyń, sondaı-aq bankaralyq jáne bırjalyq tranzaktsııalar aýqymy, naryqtaǵy úlesi, klıentterge qyzmet kórsetýdiń deńgeıi, qyzmet sapasy, baǵalyq básekelestik jáne ınnovatsııalyq tehnologııalardy engizý deńgeıi sııaqty krıterııler eskerildi.
«Qazaqstan Halyq Banki» AQ basqarma tóraǵasynyń orynbasary Dáýren Qarabaev «halyqaralyq sarapshylar tarapynan berilgen joǵary baǵanyń mańyzy zor», ekendigin atap ótti. «Osyǵan oraı bul jetistikke biz klıentterimizdiń kórsetken qoldaýy arqyly qol jetkizgenimizdi atap aıtqymyz keledi, óıtkeni olar jyldar boıy Halyq bankine senim artyp, onyń qazynashylyq ónimderine basymdyq berýde. Sondyqtan biz klıentterimiz ben seriktesterimizdiń barlyǵyna shynaıy alǵysymyzdy bildiremiz», - dedi ol óz sózinde.
