Halyk Bank apta saıyn 125 000 teńgeden bastap aqsha alý múmkindigin usynady – jalǵan aqparat
Aqparat kóziniń málimetinshe, áleýmettik jelilerde qazaqstandyqtarǵa apta saıyn 125 000 teńge tabys tabýdy usynǵan jarnama taratylýda. Ol úshin Halyk Bank-ke belgili bir somany ınvestıtsııalaý kerek eken. Habarlamada Prezıdent Qasym-Jomart Toqaevtyń fotosýreti qoldanylǵan.
«Bul – feık. Halyk Bank-te aptasyna keminde 125 000 teńge tabys tabýǵa kepildik beretin ınvestıtsııalyq baǵdarlama joq. Ózekti salymdar týraly barlyq aqparat banktiń resmı saıtynda jáne áleýmettik jelilerdegi paraqshalarynda kórsetilgen.
El Prezıdenti Qasym-Jomart Toqaev qazaqstandyq bankter óz salymshylaryna apta saıyn 125 000 teńgeden bastap kiristi qamtamasyz ete alady dep málimdegen emes. Demek, habarlamanyń Halyk Bank-ke de, Memleket basshysyna da qatysy joq. Bul alaıaqtardyń isi jáne oǵan senbegen durys», - dep jazdy STOPfake.kz tilshileri.
