«Halyq Arenadaǵy» gospıtalde dáriger jetispeıdi degen aqparat jalǵan - basqarma
ALMATY. QazAqparat - Almaty qalasy qoǵamdyq densaýlyq basqarmasynyń baspasóz qyzmeti BAQ pen áleýmettik jelide jarııalanǵan «Halyq Arenadaǵy» gospıtalde 70 patsıentke az dáriger jumys isteıdi jáne dárigerler jaǵdaıdy kótere almaı otyr» degen úndeýdi qarap, bul aqparattyń shyndyqqa janaspaıtynyn aıtty, dep habarlaıdy QazAqparat tilshisi.
Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi №238 «Óńirlerdi medıtsınalyq qyzmetkerlermen qamtamasyz etý standarttaryn bekitý týraly» buıryǵyna sáıkes juqpaly aýrýlar bólimshesinde shtattyq normatıv boıynsha 20 tósek-orynǵa arnalǵan juqpaly aýrýlar bólimshesinde ınfektsıonıst-dárigerdiń bir laýazymy jáne táýlik boıy 1 meıirbıke usynylady.
2021 jylǵy 12 sáýirdegi jaǵdaı boıynsha «Halyq Arena» statsıonarynda 9 dáriger jáne 2 reanımatolog-dáriger 68 patsıentke jumys istegen.
«Halyq Arena» statsıonary 2020 jyldyń shilde aıynda 1000 tósek-oryn rezervte turǵan, óz jumysyn 2021 jyldyń 1 sáýirinen bastady. Ýaqytsha statsıonar «Ftızıopýlmonologııa ortalyǵynyń» medıtsınalyq qyzmetterimen qamtamasyz etedi. Munda pnevmonııa jáne KVI aýyrlyǵy ortasha jáne jeńil naýqastar qabyldanady.
Infektsııalyq tósek-oryndar patsıentterdi aýrýhanaǵa jatqyzý negizinde kezeń-kezeńimen ornalastyrylady. Dárigerler toby júktemeler boıynsha belgilengen standarttarǵa sáıkes ornalastyrylady. Jalpy «Halyq Arena» bazasynda 25 bólimshe jáne 15 medıtsınalyq beket ornalastyrylǵan.
Ýaqytsha statsıonarda kadrlyq jaǵynan jáne dári-dármekpen qamtamasyz etýde eshqandaı qıyndyq týyndamaǵan.
Ótinish anonımdi bolǵandyqtan, dárigerlerdi aralaý, keńes berý jáne emdeýdi taǵaıyndaý jýrnaldaryn qarap, onyń durystyǵy men obektıvtiligin tekserý múmkin emes.
