Halyq arasynda jiti ishek ınfektsııalarymen toptyq jáne taralǵan túrdegi syrqattanýshylyq tirkelgen joq -DSM
ASTANA. 7 maýsym. QazAqparat - Qazaqstan Respýblıkasy Densaýlyq saqtaý mınıstrligi respýblıkadaǵy jiti ishek ınfektsııalary (budan ári - JІI) boıynsha epıdemıologııalyq jaǵdaı týraly habarlaıdy.
QR Densaýlyq saqtaý mınıstrliginiń baspasóz qyzmeti habarlap otyrǵandaı, 2011 jyldyń 5 aıy ishinde 2010 jylǵy sáıkes kezeńmen salystyrǵanda jiti ishek ınfektsııalarymen syrqattanýshylyqtyń 16,7% tómendeý úrdisi baıqalady, salmonellezben syrqattanýshylyq 42,3%, dızenterııa 17,1%, shıgellez 17,7%, rotovırýsty enterıtter 28,5%, bakterııalyq jáne vırýsty ishek ınfektsııalary 19,6% tómendedi.
Halyq arasynda jiti ishek ınfektsııalarymen toptyq jáne taralǵan túrdegi syrqattanýshylyq tirkelgen joq.
Eýropa óńirinde gemolıtıkalyq-ýremııalyq sındromy bar jiti ishek ınfektsııasy órshýiniń tirkelýine baılanysty respýblıkada jiti ishek ınfektsııalaryn epıdemıologııalyq qadaǵalaý, sý men tamaq ónimderiniń qaýipsizdigine zerthanalyq monıtorıng kúsheıtildi.
Respýblıka aýmaǵynda epıdemıologııalyq asqynýdy boldyrmaý maqsatynda Qazaqstan Respýblıkasynyń Bas memlekettik sanıtarlyq dárigeriniń 2011 jylǵy 30 mamyrda №7 jáne 2011 jylǵy 1 maýsymda №8 qaýlysy shyǵaryldy, osyǵan sáıkes oblystardyń, Astana jáne Almaty qalalarynyń densaýlyq saqtaý basqarmalaryna, Komıtettiń aýmaqtyq bólimshelerine JІI dıagnostıkalaýdy jáne emdeýdi uıymdastyrý, jattyqtyrý sabaqtary men semınarlar ótkizý, halyqqa beriletin aýyz sýdyń qaýipsizdigin qadaǵalaýdy kúsheıtý, mektepke deıingi, saýyqtyrý jáne basqa da uıymdarda rejımdi saqtaý, sondaı-aq epıdemıologııalyq qolaısyz elderden, sonyń ishinde Germanııadan kelgen adamdarǵa sanıtarııalyq-karantındik baqylaýdy júzege asyrý máseleleri tapsyryldy.
Ótken aptada Germanııadan respýblıkaǵa 11 reıs, sonyń ishinde 4354 jolaýshy jáne 156 ekıpaj múshesi keldi. Naýqas adamdar anyqtalǵan joq.
