Halyq arasynda «Depýtattyq úı» atalyp ketken «Nursaıa-2» turǵyn úıi maýsym aıynda tapsyrylady
STANA. Naýryzdyń 17-si. QazAqparat /Jasulan Amanbaıuly/ - Halyq arasynda «Depýtattyq úı» atalyp ketken «Nursaıa-2» turǵyn úı kesheni bıyl maýsym aıynda paıdalanýǵa beriledi.
Bul týraly búgin Úkimet basshysy Kárim Másimovtiń Astanadaǵy qurylys nysandary máselelerine arnalǵan kóshpeli keńesinde «Jańa qurylys» JShS dırektory Gúlnár Ybraıymbaeva málim etti, dep habarlaıdy QazAqparat.
«Keshenniń qurylysy 2009 jyldyń mamyr aıynda bastaldy. 2010 jyldyń maýsym aıynda paıdalanýǵa berilgenimen, jumystardyń barlyǵy shildeniń 1-ine qaraı tolyqtaı aıaqtalady», deıdi G. Ybraıymbaeva.
Qazirgi ýaqytta nysannyń ishki jáne syrtqy qurylystary júrgizilýde. Injenerlik, kárizdik júıeleri tartylýda.
Keńes barysynda málim bolǵanyndaı, bıyl Astanada 61 nysandy aıaqtaý josparlanǵan. «Al maýsym aıyna deıin 28 qurylys kesheni bitedi», deıdi qala ákimi Imanǵalı Tasmaǵambetov.
