Halyq ákimge emes, ákim halyqqa degen prıntsıpke kóshemiz – Baýyrjan Omarbekov
«Jalpy ákimderdiń halyqpen kezdesýi 2005 jyly bastalǵan. ıAǵnı, sol 2005 jyly Jarlyq qabyldanyp, ákimder jylyna bir ret esep berý kezdesýin ótkizetin. Odan 2013 jyly azdaǵan ózgeris engizildi. Tómen turǵan ákimderdiń esebine oblys nemese qala ákimderiniń qatysýy múmkin degen ózgeris boldy. Biraq, negizgi baǵyty saqtalyp qaldy. Rasynda jylyna bir ret qana esep berý kezdesýi bolyp otyrdy jáne osyǵan deıin sol format tıimdi bolǵan da bolar. Al búgingi tańda qoǵam men bılik arasyndaǵy qarym-qatynasty jetildirý, nyǵaıtý maqsatynda bul formattyń tıimdiligi tómen degen paıymǵa keldik. Eskirgen dep aıtsaq ta bolady», - dedi vıtse-mınıstr «Habar-24» telearnasyndaǵy «Suhbat» baǵdarlamasynda.
Onyń atap ótýinshe, jyl basynda Prezıdent ákimderge halyqpen tyǵyz baılanysta bolýdy, turaqty kezdesýdi, eldi mekenderdi jıi aralap otyrýdy júktedi.
«Osyǵan oraı Memleket basshysy búgin arnaýly Jarlyq qabyldap otyr. Buǵan deıin eseptik kezdesý bolsa, endi turaqty, júıeli kezdesýge kóshemiz. Bylaısha aıtqanda halyq ákimge emes, ákim halyqqa degen prıntsıpke ótemiz. Nátıjesinde barlyq deńgeıdegi ákimderdiń turaqty kezdesýleriniń ıkemdi kúntizbelik kestesi jasalady. Sol kestege sáıkes oblys jáne qala ákimderi jylyna 2 ret, ıaǵnı jarty jyl saıyn óz aýdandarynda kezdesý ótkizip otyrady. Al odan tómengi aýdan, aýyl ákimderi toqsan saıyn tıisti eldi mekenderde, aýdan ortalyqtarynda, aýyldarda turaqty kezdesý jasaıdy», - dedi Baýyrjan Omarbekov.
