Halqymyzdyń Elbasyn qoldap, aq nıetin bildirýi - beıbit ǵumyr men jasampazdyqqa aparatyn joldy tańdaǵany - Prezıdent poshtasynan

Quttyqtaýshylardyń ishinde elimizdiń kórnekti ǵalym-qaıratkerleri bar. Solardyń biri akademık Ábdýálı Qaıdar: «Siz osy 20 jyl ishinde talaı belesterdi baǵyndyrdyńyz. Elimizdiń abyroıyn asqaqtatyp, tórtkúl dúnıege pash ettińiz. Memleketimizdi jańa damý jolyna túsirdińiz. Osyndaı ıgi isterińizdiń budan ári de órkendeı berýine shyn júrekten tilektespin», - dep jazady jedelhatynda.

Akademık Tóregeldi Sharmanov óz hatynda: «Prezıdenttik saılaýda halqymyzdyń Elbasyn qoldap, aq nıetin bildirýi beıbit ǵumyr men jasampazdyqqa aparatyn joldy tańdaǵany», - dep atap ótken. Sondaı-aq Rabıǵa Syzdyqova, Ómirzaq Aıtbaıuly, Serik Qırabaev, Tursynbek Kákishev, Seıit Qasqabasov syndy akademıkter joldaǵan jedelhatta: «Qazaqstan halqy elimizdiń sońǵy jıyrma jyldaǵy joǵary qarqynda damýy men ósip-órkendeýin Sizdiń esimińizben baılanystyrady. Sondyqtan el tańdaýy taǵy da Sizge túsip, taǵy da Sizge senim artty», - delingen. Al jazýshy Sábıt Dosanov óz tilegin «Sizdiń bul tarıhı uly jeńisińiz - kól-kósir eńbegińiz ben kóregendigińizdiń jemisi», - dep jetkizedi.

Sonymen qatar Semeı qalasynan «Abaı qorynyń» prezıdenti Baltabek Ersálimov jedelhatynda: «Siz qazaq halqynyń baǵyna týǵan azamatsyz. Shynaıy qurmet pen sheksiz rızashylyqqa bólene berińiz», - dep aǵynan jarylady. Al, «Abaı» jýrnalynyń dırektory Yryshan Musauly men aqyn Muratbek Ospanov: «Atam qazaq otyrǵan altyn aıdarly ulyna aqsarbas aıtyp, tolaıym kóńilden aq tilegin aqtaryp jatady. Osy dástúrdi saqtaı otyryp, búkil álemdi tańdaı qaqtyrarlyq tabysyńyz ben saılaýdaǵy iri jeńisińiz uzaǵynan súıindirsin», - deı kele, Elbasynyń aldaǵy ókilettik kezeńindegi eńbegine tilektestik bildirgen.

Sondaı-aq Memleket basshysyn Ońtústik Qazaqstan oblysyndaǵy Qaplanbek gýmanıtarlyq agroekonomıkalyq kolledjiniń dırektory Erkimbek Qanjigitov, Ońtústik Qazaqstan oblysy, Saıram ardagerler keńesiniń tóraǵasy Álibek Baınazar, aýdandyq áıelder keńesiniń tóraıymy Sulýshash Qaıranova qatarly zııaly qaýym ókilderi jedelhat arqyly quttyqtaǵan.

Elbasyna aq peıilderin bildirgenderdiń arasynda ardagerler de az emes. Pavlodar oblysynan jedelhat joldaǵan Uly Otan soǵysynyń ardageri Qabdesh Nurkın: «Elin súıgen, eli súıgen Elbasy retinde tolaǵaı tabystar men bıik belesterden kórine berińiz», - dep ystyq yqylasyn jetkizgen. Osy oblysqa qarasty Maı aýdanynyń qurmetti azamaty, eńbek ardageri Álmyrza Ahmetov Elbasyn quttyqtap, aq tilegin bildirgen. «Qazaqstannyń jaǵdaıyn jóndep, jer júzindegi úlken memleketterdiń qataryna qostyńyz. Endi budan da bylaı elimizdi kórkeıte berýińizge tilektespiz», - dep jazady Jambyl oblysy Moıynqum aýdanynan hat joldaǵan eńbek ardageri Z.Qamshybaev.

Shyǵys Qazaqstan oblysy, Besqaraǵaı aýdany turǵyndary atynan jedelhat joldaǵan aýdan ákimi T.Jeksembaev Memleket basshysynyń aldaǵy atqarar isine tolaıym tabystar tileıdi. Osy óńirdegi Abaı aýdanynyń turǵyndary ıgi tilekterin jedelhat arqyly bildirgen. Prezıdentti saılaýdaǵy úlken jeńisimen quttyqtap, shynaıy lebizderin bildirip jatqandardyń ishinde Jambyl oblysy, Taraz qalasyndaǵy «Qazfosfat» AQ-nyń myńdaǵan jumysshydan turatyn úlken ujymy da bar. «Saılaýdaǵy bul jeńisińizdi biz eldi kórkeıtýdegi, tynyshtyqty saqtap, halyqtyń ál-aýqatyn arttyrýdaǵy atqarǵan eren eńbegińizge otandastarymyzdyń bergen joǵary baǵasy dep bilemiz», - delingen basqarma tóraǵasy M.Esenov pen bas dırektor M.Iskandırovtyń atynan kelgen jedelhatta. Sonymen qatar, Memleket basshysyn Qazaqstan kásipkerler assotsıatsııasy atynan basqarma keńesiniń tóraǵasy J.Janqulov quttyqtady. «Sizdiń orasan zor saıası tájirıbeńiz, ómirlik danalyǵyńyz ben sarqylmas kúsh-qýatyńyz áli uzaq jyldar boıy Qazaqstan halqynyń múddesi jolynda qyzmet etetinine senim bildiremiz», - dep jazady ol óziniń hatynda.

Elbasyn saılaýdaǵy jeńisimen quttyqtap, izgi tilekterin bildirgender arasynda Qostanaı oblysy, Jangeldın aýdandyq máslıhat depýtaty K.Karbozov, Qazaqstan jastarynyń Kongresi, M.Áýezov atyndaǵy Ońtústik Qazaqstan memlekettik ýnıversıtetiniń jastary: A.Abdrahmanova, J.Qorǵanbaev, Z.Orynbekov, N.Altaeva, t.b., Ońtústik Qazaqstan oblysy turǵyndary atynan: Keńes Odaǵynyń Batyry T. Qaýymbaev, Sotsıalıstik Eńbek Eri B.Shúkirbekov, jazýshy E.Turysov, halyq aqyny Á.Qalybekova, oblystyq ardagerler keńesiniń tóraǵasy J. Máýlenqulov, Q.A.Iassaýı atyndaǵy HQTÝ vıtse-prezıdenti J.Aımenov, t.b. bar.

«Búgin Qazaqstan men Sizdiń esimińiz qatar aıtylady. Óıtkeni elimiz Táýelsizdiginiń 20 jylynda Sizdiń bastaýyńyzben Qazaq Eli tórtkúl dúnıege áıgili, álemniń básekege qabiletti 50 eliniń qataryna qosylýǵa tolyq múmkindigi bar, irgeli de ekonomıkasy qýatty elge aınaldy», - delingen Shyǵys Qazaqstan oblysy, Zaısan aýdany, «Nur Otan» HDP aýdandyq fılıalynyń janyndaǵy shtab músheleri B.Nurasyl, Q.Abjanov, E.Kelgenbaev, A.Dýdnık joldaǵan jedelhatta. Mundaı mazmundaǵy quttyqtaýlar sondaı-aq Ońtústik Qazaqstan oblysy, Maqtaaral aýdandyq qoǵamdyq shtab músheleri O.Aıashev, I. Úmbetaev, Qyzylorda oblysy, Aral aýdanynyń turǵyny J.Salmyrzaeva, Shyǵys Qazaqstan oblysy, Jarma aýdanynyń ákimi T.Qasymjanov, «Nur Otan» HDP Jarma aýdandyq fılıaly «Jas Otan» jastar qanatynyń músheleri, Jarma aýdandyq soǵys jáne eńbek ardagerleri keńesiniń tóraǵasy S. Jylqybaevtan jáne Jarma aýdandyq qoǵamdyq shtab múshelerinen, oıyldyq Q.Nurymgereıulynan, S,Áýbákirulynan, eńbek ardageri Á.Qasymbekqyzynan kelip tústi.