Halqymyzdyń birligi mańyzdy - Elbasy
«Álem ózgerip jatyr. Álemniń úlken jyldamdyqpen ózgergeni sonshalyq, tipti úlgerý múmkin emes. Aǵa býyn bul jyldamdyqqa ilese almaıdy, keıde jetý múmkin emes. Men jastar qatardan qalyp qoımasa eken deımin. Jańa óndiris, jańa túsinik. Adamdy bolashaqqa daıyndaý úshin biz bar kúshimizdi salamyz. Úshtildilik, aǵylshyn tili, latyn álipbıi týraly aıtyldy. Bul ultqa bólinbeıdi. Júregimizdi tyńdasaq, biz birtutas elmiz, eshqandaı ultqa bólinbeımiz. Sóıleımiz, oılaımyz, jek kóremiz, jaqsy kóremiz. Bári sezim. Júrek tilimen ómir súrý kerek. Bizdiń balalalarymyz - planeta balalary. Jastar kez kelgen ortaǵa sińisip ketýi kerek. Eger tildi bilmese, óz adamy bola almaıdy. Qaı elde tursań, sol eldiń tilin bilý kerek. Qaı elde tursań, sol eldiń zańymen ómir súr. Eger olaı bolmasa, qoǵam qabyldamaıdy, shettetedi», - dedi Elbasy Nursultan Nazarbaev.
Aqyn-jazýshy, úkimettik emes uıym ókilderi, óńir belsendilerimen kezdesý kezinde adamı resýrs, ulttyq qundylyq, qarapaıymdylyq týraly sóz boldy.
«Adamdy túsinip, ony bar bolmysymen qabyldaýy kerek. Bizge janymyzdaǵy adamdy túsiný, shydamdy bolý, syılaý jetpeıdi. Týra jolmen júrý kerek. Aq jolmen júrgen adam jeńiske jetedi. Balalardy osy qundylyqtarǵa úıretý kerek», - dedi Memleket basshysy Nursultan Nazarbaev.
Memleket basshysy kezdesýge kelgen adamdar arasynda Aýǵan soǵysynyń ardageri Marat Qoılybaevpen tildesti.
«27 jyldan beri qaraı jasap kele jatqan jumysym, eń aldymen qazaqtyń tynyshtyǵy. Qazaqtyń óziniń birligi bolmasa, túk bolmaıdy. Tóle bıdiń aıtqany bar. «Júzge bólingenderdiń júzi qara, rýǵa bólingenderdiń qurýǵa asyqqany, ataǵa bólingender adyra qalady»,- dep. Sondyqtan halqymyzdyń birligi mańyzdy. Biz kópultty elmiz. Solarmen birge ómir súrý kerek», - dedi Elbasy Nursultan Nazarbaev.
Eske sala ketsek, búgin QR Prezıdenti Aqtóbege jumys saparymen keldi.
