Halqymyz uly Abaıdyń óleńderimen keńinen tanys - Qytaı Elshisi
ASTANA. QazAqparat - Astanadaǵy «Pekın Palas» qonaq úıinde qazaqtyń qolóner týyndylarynyń kórmesi ótti, dep habarlaıdy «QazAqparat» HAA tilshisi.
Kórme Beıjińdegi «EXPO-2019» Halyqaralyq kórmesi men Qytaıdaǵy Kóktem festıvaline arnalǵan «Open Road» is-sharasynyń qurmetine ótkizildi. Shara Qazaqstan Respýblıkasyndaǵy Qytaı Halyq Respýblıkasynyń elshisi Chjan Hanhýeıdiń, «Expo & Women» halyqaralyq uıymy, etno-dızaın jáne qolónerdi damytý komıtetiniń qoldaýymen uıymdastyrylǵan.
Kórmege dombyra, ulttyq oıý-órnektermen órnektelgen ydystardy, kúmis pen temirden ulttyq naqyshta estelik týyndylardy jasaıtyn qolóner sheberleri kelgen. Kórmeni tamashalaýshylar qolóner sheberleriniń ónerine zor yqylastaryn bildirdi.
«Qazaqtyń ulttyq qolóneriniń kórmesine qatysý men úshin úlken qurmet. «Bir beldeý, bir jol» baǵdarlamasynyń júzege asyrylýy turǵysynda Qazaqstan qytaı halqynyń arasynda erekshe tanymal memleket bolyp kele jatyr. Qytaıdaǵy ıt jylǵy Kóktem merekesin toılaý kezinde túsirilgen translatsııada qazaqtyń ulttyq naqyshyndaǵy oıýlar úsh ret kórsetilip, halqymyz Uly Abaıdyń óleńderimen keńirek tanysty. Ótken jyly Astanada EKSPO kórmesi ótken kezde qazaq qolónerine tıesili bylǵary sýretter, qabyrǵa kilemderi men ózge de buıymdar qytaı týrısteriniń zor qyzyǵýshylyǵyn týdyrdy. Shaǵyn ǵana qolóner týyndysy eki eldiń baılanysyn nyǵaıtýda da óz úlesin qosaryna kúmánim joq», - dedi Qazaqstandaǵy Qytaı elshisi Chjan Hanhýeı.
Kórme sońy kontsertke ulasyp, qazaq estradasynda belgili Júginisovter úshtigi ánnen shashý shashty.
