Halqymyz alańsyz ómir súrýi úshin áskerı qyzmetshiler óz mindetin múltiksiz atqarýy kerek - Prezıdent

ASTANA. QazAqparat – Halqymyz alańsyz ómir súrýi úshin áskerı qyzmetshiler óz mindetin múltiksiz atqarýy kerek. Bul týraly Búkilarmııalyq keńeste Prezıdent – Joǵarǵy Bas qolbasshy Qasym-Jomart Toqaev aıtty, dep habarlaıdy QazAqparat tilshisi.

«Búgingi jastar - erteńgi Otan qorǵaýshylar. Elimiz máńgi bolsyn desek, biz naǵyz patrıot, eńbekqor urpaq tárbıeleýge tıispiz. Eń bastysy, bul jumys qansha býyn almassa da toqtamaı udaıy júrgizile berýi kerek», - dedi Prezıdent.

Memleket basshysy qorǵanys jáne qaýipsizdik salasy elimizdi turaqty damytý isinde aıryqsha mańyzdy ról atqaratyndyǵyn aıtty.

«Aıbyndy armııa – qasıetti jerimizdi jáne elimizdi qorǵaıtyn senimdi qalqan. Halqymyz alańsyz ómir súrýi úshin áskerı qyzmetshiler óz mindetin múltiksiz atqarýy kerek. Men Otan kúzetindegi árbir jaýyngerimiz antyna adal bolady dep senemin. Qazir ortamyzda erligimen jáne minsiz qyzmetimen dara shyqqan azamattar boldy. Olardy shyn máninde beıbit kúnniń batyrlary deýge bolady», - dedi Qasym-Jomart Toqaev.

Osyǵan deıin Prezıdent armııanyń egemendigimizdi qorǵaýǵa árdaıym daıyn bolý qajettigin aıtty.