«Halqy úshin jáne halqymen birge ómir» - «Nazarbaev ortalyǵyndaǵy» fotokórme

 ASTANA, 1 jeltoqsan. QazAqparat  - Búgin  Tuńǵysh Prezıdent kúnine oraılastyrylyp   «Nazarbaev ortalyǵy»  memlekettik mekemesinde  «Nursultan Nazarbaev: halqy úshin jáne halqymen birge ómir» fotokórmesi óz jumysyn bastady.

Bul týraly ortalyqtyń baspasóz qyzmeti habarlady.

Fotokórme -  elimizdiń mádenı ómirindegi biregeı oqıǵa, sebebi kóptegen túsirilimder alǵashqy ret kórsetilip otyr. Birneshe bólimnen turatyn ekspozıtsııalar   Nursultan Nazarbaevtyń balalyq shaǵy, onyń januıasy, mekteptegi oqýy, jastyq shaqtaǵy jumys kezderi, jas saıasatker retindegi qalyptasýy, sondaı-aq onyń táýelsiz Qazaqstan memleketiniń basshysy laýazymyndaǵy qyzmeti týraly áńgimeleıdi.

Tarıhı sýretter memlekettiliktiń mańyzdy belgileri - ulttyq valıýta men memlekettik nyshandardyń paıda bolýy, Konstıtýtsııany qabyldaý tárizdi el ómirindegi tarıhı sátter týraly syr shertedi.

Taǵy bir bólim geosaıasattan bastap respýblıkanyń  ishki damýyna deıingi máselelerdiń eń keń aýqymyn qamtıtyn,  ári jas memlekettiń máselelerin sheshý joldary men jetistikterin kórneki kórsetetin fotosýretterden turady.

Fotokórme 31 jeltoqsanǵa deıin jalǵasady.