Halqy evakýatsııalanǵan aýyldarda 100-ge jýyq sarbaz kezekshilik atqarady – Abaı oblysy

SEMEI. QazAqparat – Abaı oblysynda órt mańyndaǵy aýyldarda moroderlikke jol bermes úshin QR Ulttyq ulany «Shyǵys» óńirlik qolbasshylyǵynyń 100-ge jýyq sarbazy kómekke attandy, dep habarlaıdy QazAqparat tilshisi.

Búgin QR Ulttyq ulany «Shyǵys» óńirlik qolbasshylyǵy qolbasshysynyń sheshimimen Abaı oblysyndaǵy órt saldarynan halyq evakýatsııalanǵan Polovınka, Kashtak, Talıtsa jáne Tepkashı aýyldaryna Semeıdegi 5511 áskerı bólimniń 100-ge jýyq sarbazy men 8 tehnıkasy jumyldyryldy.

«Áskerıler aýyldarda moroderlikke jol bermeý úshin qoǵamdyq tártipti kúzetip, aýylda qalyp qoıǵan turǵyndardy evakýatsııalap, zardap shekkenderge kómek kórsetetin bolady. Atalǵan oryndarda jaýyngerlik qyzmet Ulttyq ulan «Shyǵys» óńirlik qolbasshylyǵynyń qolbasshysy general-maıor Rústem Aqbalınniń jeke qadaǵalaýymen uıymdastyrylǵan. Qazirgi tańda Abaı oblysyndaǵy ormannyń aýqymdy jerin jalmaǵan órt áli tolyq sóndirilmeı, mańaıda ornalasqan aýyldarǵa qaýip tóndirýde», - deıdi «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.

Eske salsaq, osyǵan deıin óskemendik eriktiler Abaı oblysyna 5 kólikke tıelgen gýmanıtarlyq kómek jóneltkeni habarlanǵan.